بقلمى منصور أبو عبدالله
.........
انا حاعمل مزاد وابيع العرب
حبيع العرب بس مش عروبتى
ومحدش يلومنى وممنوع العتب
حبيعهم علشان احفظ كرامتى
............
عندنا سكات وناس اموات
وبلاد خربتها سلطه وحكومات
وعندنا فساد وواسطه ومحسوبيات
وعندنا هنا بطل كان ومات
........مين يشترى
البيعه رخيصه يا ولاد الحلال
مين يشترى اموات ولاد ابطال
تحف عايشه اشباه رجال
اه يا ناس على الحال اللى مال
.......مين يشترى
طب الاطفال بنتدبح قدام عينينا
وساكتين ونقول ايه بايدينا
وصبح السكات عاده فينا
وكل يوم حاجه تخزينا
........مين يشترى
لكن يجى يوم ياخدوا ارضنا
بصفقه من خنزير يهدنا
احنا ايه الكرامه مبقتشى تهمنا
ومفيش حاجه يوم تلمنا
.......مين يشترى
كرامه ماتت
وعار فوق روس شابت
من غرب حقير انداست
والله امريكا ما عابت
.......مين يشترى
من حقها تعملنا لعبتها
وتدوس علينا بجزمتها
اصلنا منقدرشى نكلمها
بس فلسطين وحدها تعملها
........مين يشترى
عرب متسواش
ويسبلى عروبتى ما يخدهاش
وانا فلسطين مبنسهاش
وبيعه القرن معوزهاش
......
بقلمى منصور أبو عبدالله
مصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.