كتب لنا الشاعر المبدع/عمرو تمساح

مش مهم 

**********

بس يلا مش مهم 

اى حته راح تلم

اى حاره ف اى شارع 

كل عشقك آخره دم 

لو عشقت ف مره ارضك 

لو دافعت وقولت عرضك 

لو كلامك كان هيجرح 

العذاب راح يبقى فرضك 

دى جزاء كل اللى فكر 

ف الحكايه وقال نحرر 

لو غلط او راح ياجيكى 

يبنى فيكى او يعمر 

الحكايه مش مبانى 

الحكايه شكل تانى 

الحكايه هى انك 

تهتى ونسيتى الامانى 

ليه معاكى بنسى حلمى 

وانسى روحى وانسى انى 

كنت عايز ابقى ليكى 

جوه حضنك وانت منى

فاكره زمان يابلد 

راجل وعشق البلد 

ساب الشيطان يخدعوا 

صهين وساق العوج 

*********

عمرو تمساح ابوسفيان

.

كتب الشاعر المبدع / علاء عبد النبى

***#أنا_جيتلك#***

     *********

كلمات/علاء أحمد عبدالنبي 

        **************

أنا جيتلك وعشان مرجعش...

حرقت كل مراكبي.......

وكمان بعت إللى ما يتبعش...

خليك رحيم على قلبي.......

دا إنت حبك هو عمري...

دا إنت حبك مش بأمري..

مش يادوب حنين وشوق..

مش يومين ومسيري أفوق..

دا إنت حبك فى العروق..

 وايا دمي بيجري

أنا جيتلك وعشان مرجعش..

حرقت كل مراكبي.....

وكمان بعت إللى ما يتبعش...

خليك رحيم على قلبي....

يعني مش حمل اﻷسية

ولا جرح تاني فيا.....

دا أنا ليك وانت ليا...

وبقولها بأعلا صوت

أنا متعشم وجايلك

وجوا عيوني شايلك 

وهتحمل عمايلك...

وإن قولت إرجع..هموت

دا إنت حبك هو عمري

دا إنت حبك مش بأمري

مش يادوب حنين وشوق

مش يومين ومسيري أفوق

دا إنت حبك فى العروق

وايا دمي بيجري

أنا جيتلك وعشان مرجعش..

حرقت كل مراكبي...

وكمان بعت إللى ما يتبعش...

خليك رحيم على قلبي.....

مش هقبل حل تاني

غير إن تكون عشاني

هتقول إني أناني..

هو دة الحل الوحيد

مش هستناك تفكر

أو حتى تقول هفكر

أنا جاي وكمان مقرر

إن  أنا  بحبك أكيد 

دا إنت حبك هو عمري

دا إنت حبك مش بأمري

مش يادوب حنين وشوق

مش يومين ومسيري أفوق

دا إنت حبك فى العروق

وايا دمي بيجري..

أنا جيتلك وعشان مرجعش...

حرقت كل مراكبي......

وكمان بعت إللى ما يتبعش....

خليك رحيم على قلبي....

كتب لنا الشاعر المبدع احمد صبري

ادي نصيبك يا قلبي

احمد صبري

-

وادي يا قلبي اللي عشانه

كنت تملي على إستعداد

تتحمل وجعه واْحزانه

تتعب تشقى تمشي بلاد

مع اْول موجة بيتغير

وبيقدر يقسى وبيبيع

النار ملمومة وبتمطر

ومشاعرك عمالة تضيع

-

ادي يا قلبي اللي إتمنيته

سميته روحي وحياتي

لما إحتاجته لما ناديته

لما طلبته يداوي اْهاتي

إستخسر فيك الحنية

وكاْنك ولا كنت حبيبه

الدنيا يا قلبي مراكبية

والكل بيهرب من عيبه

-

ادي ياقلبي اللي بيتشطر

وبيقدر يقسى وينساك

هو ينام وعيونك تسهر

ويسيبك تعبان بهواك

معقولة حتقدر تتحمل

هجرانه وانت بتندهله

وإزاي بعذابك هتكمل

 وهتفضل ديما محتاجله

-

ادي نصيبك ياقلبي

راح تعمل إيه وياه

الصبر منك يا ربي

على اْوجاع الحياه

اللي بتحبه وشاريه

تبقي مش فارق معاه

واللي انت غالي عليه

عيونك مش شيفاه

كتب لنا الشاعر المتألق/said Elskran

دعوة للأمل

،،،،،،،،،،،،،،،،،،،،،

عام جديد

وحلم. ..وياه

أتولد..

نسعي ونتعب

ونحلم

نكون..أفضل

وأحسن

ومش  يوم

كمالة..

عدد

ولو أديب ولا شاعر

أو مفكر

أكتب وأبدع 

وخدلك من ألبراعم

ولد

تربى..وتعلم

ولادك.

.يكونوا..فى ..

ألأرض

صامدين

زى..ألوتد..

وإيمان..تزرعه

فيهم

من ..ألشر يصونهم

ويحميهم

ولو يوم ألدنيا

حالها يميل

فتلاقيهم

يكونوا..ليك

بجميل دعاهم

بعد..ألمعين

ربك

سند

بقلمي....

،،،،،،سعيد السكران،،،،،،،،،

Said Elskran

كتب لنا الشاعر/منصور ابو عبدالله :على السقاله

على السقاله
بقلمى منصور أبو عبدالله
اهو انا اللى متشعلق فى حبة امل
وانا اللى شايل على كتافى حمل جبل
بعافر واسافر واسعى واشتغل
على عرقين سقاله واقف عامل بطل

بدق مسمار فى نعش القدر
واقول مسيرها تحلو يابشر
اتارينى بضيع حياتى هدر
ومكتوب على الحزن ويا السهر

ديتى مسمار يسيب او عرق يتكسر
اصله الغلبان حياته حبة صور
متشعلق فى امل وزمانه به غدر
حب ينشف على الايام قام اتعصر

على سقاله عيشه والسلام
ما احنا كماله والعيشه احلام
فى الفجر نصحى نوحد العلام
ورزقنا على اللى لا يغفل ولا ينام

نترمى فى غربه وجبال
لاجل ما نعدل الاحوال
وندوق الذل والترحال
ونموت من غير سؤال

على عرقين سقاله الموت تالتهم
تصرخ الغلابه ومين يسمعهم
مظلومين بس ومين ينصفهم
مكتوب عليهم الموت يصاحبهم

منصور أبو عبدالله