احلم
بقلبك بالجديد
وخلي عزمك من حديد
ماتقولشي صعب ومستحيل
ربك كريم ومافيش بعيد
الصعب سهل على الكريم
والسهل صعب على اللئيم
اكسر حدودك في الخيال
وعيش عظيم هاتموت عظيم
لو كل واحد قال محال
مين كان يسافر للقمر
مين كان يطير فوق السحاب
مين كان يغوص تحت النهَر
نصرك اكيد من غير سلاح
بس انت شيل حبة كفاح
والرب عدل ما سعاش مجيد
إلا وكان آخره النجاح
الفين صلاح والفين زويل
ومصر حبلى بالرجال
ماتكنش ليه انت الامل
والمقتدى بيه في الفعال
#أشعارمحمودمحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.