كيف انساك
كيف انساك والدنيا من غيرك ما تحلالى
فى بعادك انت دارى باللى بيجرالى
بنسى فى بعدك نفسى وحالى
انساك كيف وانت اغلى الغوالى
وعجبى
بشوفك فى صورة القمر
ولما عينى بتغفى الاقى طيفك حضر
والشوق فى قليبى علمنى السهر
يا احلى واجمل ما ادانى القدر
وعجبى
انسى ازاى فرحة سنينى
واللى ضحكة عيونه بتحيينى
وكلمه زعل منك تاخدنى وتودينى
دا لو نسيتك يبقى راح نور عينى
وعجبى
لما اصحى من نومى بصبح عليك
واحس انى بجد حاضن ايديك
من زمان قلتلك انا كلى ليك
وتيجى دلوك تقول ناسيك
وعجبى
طب احلفلك باللى خلقنى وخلقك
انا عايش بس علشان بحبك
ولا يوم ما اجيب فيه سيرتك
ولو فتحت قلبى تلاقى صورتك
وعجبى
اتعلمت اقول فى حبك مواويل
واسهر مع طيفك طول الليل
والله على كتر محبتك ملاقى حيل
عاوز اكتر من كده ايه دليل
وعجبى
انت اللى شربت انا كاس هواك
وقلبى باع الدنيا كلها واشتراك
ولا عمره يبص لحد سواك
بالله قولى كيف انساك
وعجبى
بقلمى منصور أبو عبدالله
30/1/2020
