كتب لنا الشاعر المبدع/عمرو تمساح ابو سفيان

فى مثل هذا اليوم 

**********

فى مثل هذا اليوم 

كات ناس بتمر 

ملاى الشوارع امل 

ضحت لباقى العمر 

ثوره وأكلها السوس 

والكدب كان مدسوس 

تاه الطريق واتغمس

والخوف بقى مغروس 

وضاعت مننا الفكره 

وشفنا فيها غربتنا 

شربنا المر جوه كسات

وخوف فرق ف لمتنا 

 يادمعه حزينه جوه القلب 

 ‏قوليلى مين يسكتنا 

 ‏امل مفقود ومش موجود 

 ‏بلاد بتنادى مين هيعود 

 ‏وانا مش باقى الا كلام 

 ‏ودى الجوده من الموجود 

 ‏اقول من تانى حريه 

 ‏واقول وكرامتى مرميه

 ‏ومين يسمع ومين هيفيد 

 ‏ومين يحرس سنين جايه 

 ‏وازاى انادى يابلادى

 ‏وقلبى ف القفص محبوس

 ‏والكل عادى يابلادي

 ‏وانا الوحيد اللى ..... اللى قاعد متعوس

 ‏*********** 

 ‏عمرو تمساح ابوسفيان

 ‏

 ‏

 ‏

 ‏

كتب لنا الشاعر المبدع/Said Elskran

مش مهم يقولوا أيه

،،،،،،،،،،،،،،،،،،،

يقولوا طيبة

ولا.  حظ ولاهجر

يقولوا حب

ولا عشق ولا غدر

مش مهم يقولوا أيه

ألمهم أن قلبي

يوم ماحبك

مأ أترحمش لحظة

منك

وبكل ألقسوة

دوست عليه

ودوست بقوة

لما مات

وما أفتكرت يوم

في سرك حتى

تترحم عليه

ومفيش بينا خلاص

جمايل

وهى.  قسمة

وحظ عمري في

 حبي مائل

والبكاء هايفيد

بأيه...؟

بس  عارف

أحسن حاجة

حصلت ...

أنى أتعلمت 

درس. عمري

وكمان علام من

إللي. أيه..!!!!!

وأني خلاص أصبحت

فاهم

وعمري تاني ما

هابقي واهم

أو يكون قلبي

في لحظة سلم

مرة تانية

لحد تاني

قلبه بدين الحب

كافر

علشان

يطلع عليه

بقلمي

سعيد السكران

كتب لنا الشاعر المبدع دائما استاذنا/احمد شكرى دردير

قصيدة بعنوان

( انا )

انا

انا إللي طول عمري بسامح وقلبي

                    كبير

انا

انا إللي طول عمري بقول حبيبي

ما لوش في القلب بديل

انا

انا إللي الصبر خد من عمري ايام

          وسنين

انا

انا إللي في وجوده أنسي الناس والدنيا

واكون له وحده حبيب ونديم وخليل

انا 

انا إللي في غيابه اعد النجوم بالنهار والليل

       كل ده يجري منه

ده كتير

والله ده كتير

الجرح من الغريب جرح

وم الحبيب جرحين

انا 

انا كنت شمعة لحياتك

انا 

انا كنت حضن دافي لاهاتك

ليه

ليه الطيبة عندك ضعف

ليه

ليه الحنية عندك زي اي صنف

د انا حبيتك حب في الهوي

ما لوش زي ولا وصف

    لا حبي قدرته

ولا قلبي الكبير

عرفت قيمته

اقولك كلام اخير

انت خسرت كتير

وهتندم كتير

والايام هتوريك

بدل لوني الوان كتير

بس متفكرشي في الرجوع

     انا

متخدعنيش الدموع

لا سماح ولا طيبة

ولا حنية

انت اللي اخترت

النهاية ديه

احمد شكرى 6

كتب لنا الشاعر المبدع/صلاح منير

قصيدة سئمت الكلام

بقلمي: صلاح منير

سئمت الكلام

فقد بح صوتي

حين كانت تكمم الأفواه

وكان الكلام ذي مقام

حين تحولت ساحات الكلام

هايد بارك عربية للنباح

وصار الكلام فاقد جدواه

سئمت الكلام

صرخت مناديا بمبادئ عليا

حين صرخ الجمع ضد الطغاة

فسرعان ما تغيرت من حولي الدنيا

وصار القطيع يسير خلف الرعاة

وصار الكلام كمن يؤذن في ملطا

سئمت الكلام

ليس عليا بعد ذلك من ملام

اذا ما قلت أن الملل وصل منتهاه

وأني حقا سئمت الكلام

صلاح منير

كتب لنا الشاعر المبدع دائما/أحمد صبري......شبابيك ...

شبابيك الذكرى

احمد صبري

-

في عز الفرح مستنى

آهات بالمر توجعني

ويجي الجرح يدبحني

ومن روحي يضيعني

-

وباستغرب على قلب الحق

باستعجب من بعض الناس

مش بيشوفوا النوع والفرق

إنعدموا عقل وإحساس

رمي تماس من بره الخط

كارت اْحمر لكل شمال

زي ما قالوا زمان بالظبط

إللي بيمشي ورا العيال

-

في عز الضحك تلسعني

دموع بالعين تسرقني

أندم ع اللي راح مني

أحكي لمين ويفهمني

-

كتير بنقع وبنقابل

حكاوي وهم مرسومة

نقول إحنا بنستاهل

وهنتعلم بعد القومة

نقف من تاني ونكمل

أنا وقلبي وقصتنا

ومهما نعاني نتحمل 

بيبقى الحزن تالتنا

-

في عز الحلم تصحيني

شبابيك الذكرى ترميني

أسافر أعافر آلاقيني

باحارب دنيا تعاديني

-

ولا باضعف ولا باهرب

ومهما أشوف ما بتهدش

أتعذب ياما وباتغرب

وألم جراح ما تتعدش

واخدها بقوة وبساطة

وأكمل زي قطر يفوت

لا رزق بيجي بوساطة

ولا حد بيهرب م الموت

كتب لنا الشاعر المبدع دائما/أحمد صبري......شبابيك ...

شبابيك الذكرى

احمد صبري

-

في عز الفرح مستنى

آهات بالمر توجعني

ويجي الجرح يدبحني

ومن روحي يضيعني

-

وباستغرب على قلب الحق

باستعجب من بعض الناس

مش بيشوفوا النوع والفرق

إنعدموا عقل وإحساس

رمي تماس من بره الخط

كارت اْحمر لكل شمال

زي ما قالوا زمان بالظبط

إللي بيمشي ورا العيال

-

في عز الضحك تلسعني

دموع بالعين تسرقني

أندم ع اللي راح مني

أحكي لمين ويفهمني

-

كتير بنقع وبنقابل

حكاوي وهم مرسومة

نقول إحنا بنستاهل

وهنتعلم بعد القومة

نقف من تاني ونكمل

أنا وقلبي وقصتنا

ومهما نعاني نتحمل 

بيبقى الحزن تالتنا

-

في عز الحلم تصحيني

شبابيك الذكرى ترميني

أسافر أعافر آلاقيني

باحارب دنيا تعاديني

-

ولا باضعف ولا باهرب

ومهما أشوف ما بتهدش

أتعذب ياما وباتغرب

وألم جراح ما تتعدش

واخدها بقوة وبساطة

وأكمل زي قطر يفوت

لا رزق بيجي بوساطة

ولا حد بيهرب م الموت

كتب لنا الشاعر المبدع دائما/ياسر بسيونى

... بحثت عنك ...

،،،،

وبحثت عنك ؛ فإذا أنت الجمال 

يا عطر الأنفاس ونبض الشريان

من حق الجمال عليك تزهين به

إنك ما جئت حلوة هكذا لتعاني

قد بحثت عنك في العيون كلها

فأنا ما رأيت لك في العالم ثاني 

وإن جميع الخلائق دونك ، بشر 

إلاك .... فما ظننت بأنك إنسان

الجنات أنت جميعها ،،، ونعيمها

وعذب الأنهار واللؤلؤ والمرجان 

بحثت عنك في الدروب جميعها

فكنت خطايا ، وموضع القدمان

بحثت عنك داخلي وفي روحي

فوجدتك لها نور ضياها والنيران 

بحثت عنك بين الزهور وعبيرها 

فإذا أنت لها ؛ رحيقها ، والألوان

أنت هبوب النسيم العليل وربيعه 

زهرة الورد وشوكه وجنة الأكوان

والعقل دوماً ، يهفو إليك بفكره 

يا ساحرة القلب بسحرك الفتان 

ويا خاطفة الروح ببديع حسنها 

أنا في هواك ؛؛؛ العاشق الولهان 

لو أغمضت عني العالمين عيونها

يكفيني منك نظرة ورؤية العينان 

بحثت عنك ؛ بين طيات دفاتري 

بين السطور ،،، وتلاحم الحرفان 

إذا بك تقطرين غراماً من محبرتي 

تروي ظمأ عشقي لك ، والوجدان

بحثت عنك بين فراغات أصابعي

فحين يمر طيفك تبتسم الشفتان

أميرة حبي وملكة القلب وهواه 

هل كنت يوماً لك فارس الفرسان؟

....

ياسر بسيوني

كتبت لنا المبدعه دائما الاستاذه/نورهان احمد

((هِجاءُ الصقرُ لليمامة ))

🌿🌹صَدَعَ الصقرُ لليمامةِ هاجيا

               من فوق السحابةِ العالية🌹🌿 

🌿🌹فَضَرَبَها بِسَهمِ ظنِّهِ قاسيا

            احتَسَبَ أنينها تُغَنّي شادية🌹🌿

🌿🌹أما يا صقرُ لو إقتربتَ ثانية 

       لَحَزِنْتَ، ولجُرِفَت عيناكَ باكيا🌹🌿 

🌿🌹لقد زِدتَ عليها حُزناً يا صقرُ

              ألماً، فَهَجوْتها هِجاءً عاتيا🌹🌿

🌿🌹قد كنتَ لها شُعاعاً تَبْصُرُهُ

                وكنت عَلَماً شامِخاً عاليا🌹🌿

🌿🌹فكانت تنظرُ في صَوْتُ صداكا

        أملاً ، فخذلتُها ولم تكُنْ حانِيا🌹🌿

🌿🌹تَمَهَّلْ يا صقرُ صبراً واقترب

            فهي صغيرةٌ فكُن لها حامِيا🌹🌿

🌿🌹جَهِلَتْ صداكا فلم تَعي أنها

        بسهامِ هجاؤكَ كانت ~هي( ا)🌹🌿

بقلمي:~ 🌼نورهان أحمد🌼N.A

🌼N , A 🌼

🌿🌼🌿🌼🌿🌼🌿🌼🌿🌼🌿🌼🌿🌼🌿

كتب لنا الشاعر المبدع دائما/احمد صبري

محطة قطر

احمد صبري

-

يا عيني عليك يا ولد

فكرت روحك إبن البلد

وإن إنت معمول لك حساب

وإن إنت حتلاقي السند

قطعوا لسانك يا ولد

وهتبفى اْخرس للاْبد

اْصل البلد ليها صحاب

وإنت هنا ذيادة عدد

-

مطحون بغلبك يا ولا

صعبة عليك المساْلة

اْكلوا طموحك بالعذاب

حرقوا حياتك بالغلى

كسروا عيونك يا ولا

ذادوا همومك ميت بلى

وقلعوك حتى الشراب

فاكرين طغاهم مرجلة

-

كلب حراسة محطة قطر

عامل نفسه زعيم القصر

وان كلمته او فهمته

تبقى التهمة بترهب مصر

كلب وعامل روحه سبع

وهو معفن زي الضبع

بس كبيره كتر خيره

سايب عاجب اْهله الوضع

-

هاتروح لمين حقك مهضوم

ومين هايسمع شكوتك

بين الظالم والمظلوم

الف حاجة تسكتك

إسكت إخرس ربي عيالك

وإدعي لربك تيجي الهجره

ولو مشيت امك دعيالك

وهتدعيلك اْكتر بكره

-

لما تهجر باقي العيلة

قبل متاخد ضربة تقيلة

ْاصل الموت عند السجان

كله بيغلى والانسان

سعره مفيش اكل العيش

إرحل بطل تبقى جبان

-

العنوان من اْول سطر

كلب حراسة محطة قطر

وادي اْشكال حزب الزبال

إوعاك ترجع بعد الشر