فى مثل هذا اليوم
**********
فى مثل هذا اليوم
كات ناس بتمر
ملاى الشوارع امل
ضحت لباقى العمر
ثوره وأكلها السوس
والكدب كان مدسوس
تاه الطريق واتغمس
والخوف بقى مغروس
وضاعت مننا الفكره
وشفنا فيها غربتنا
شربنا المر جوه كسات
وخوف فرق ف لمتنا
يادمعه حزينه جوه القلب
قوليلى مين يسكتنا
امل مفقود ومش موجود
بلاد بتنادى مين هيعود
وانا مش باقى الا كلام
ودى الجوده من الموجود
اقول من تانى حريه
واقول وكرامتى مرميه
ومين يسمع ومين هيفيد
ومين يحرس سنين جايه
وازاى انادى يابلادى
وقلبى ف القفص محبوس
والكل عادى يابلادي
وانا الوحيد اللى ..... اللى قاعد متعوس
***********
عمرو تمساح ابوسفيان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.