قصيدة اليوم بعنوان(صعيدية )
يابت يا صعيدية جابك النصيب لية
انا كنت ماشي فى حالى فى الغيط بالجلبية
لما شفتك جاية قلت قمر وهل علية
سألت نفسى وقلت هو القمر بيطلع قبل المغربية
سألت على اسمك قالوا اسمك سعدية
قلت دى فلاحة قالوا لا دى صعيدية
سألت انتى منين قالوا دى قناوية
قلت بلد ابوية وجدى والناس المية مية
سألت عليكى قالوا دى بت مية مية
سألت على ابوكى قالوا بتاع أذية
ولما شفتك تانى ساقية ولفت بية
قالوا هتاخدها قلت واستحمل الاذية
ولما شفتك ماشية فى السوق بالجلبية
روحت لابوكى اتقدم طلع رجل مية مية
اتارى الناس معاهشى غير التعطيل والاذية
ياريتنى مافضلت مستنى كل الفترة دية
ولما قلت اتجوز قلت اتجوز صعيدية
اتارى حبك واعر قوى يابت علية
قلت فرحك فى النادى قالت فى الزراعية
قلت شقتك بحرى قالت لا قبلية
احب النور والشمس وطلعتها الباهية
ما بحبش بلاكونة ولاسطح ولا انزل المية
اصلى انا صعيدية
الشاعر /عماد الطالوش
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.