سجن الخلق
احمد صبري
-
مظلوم في سجن الخلق
والحر طبعه اصيل
مشتاق لكلمة حق
ويروح ظلام الليل
يا مراكبي بحر المحبة
غرقان والبخت قليل
الطيبة مش مستحبة
والصبر مابقاش جميل
-
إتغير الإحساس
مابقاش ف القلب روح
من كتر ظلم الناس
طعم الحياه ببروح
مابتفرقش الليالي
ومش باْعد الجروح
العمر لو كان غالي
كان خلى باب مفتوح
-
مخنوق قوي
ودموعي محبوسة ف عيني
تعبان قوي
ومافيش حد يراضيني
زعلي لما يهزمني
بيوجع قلبي ياْلمني
وكل الدنيا تظلمني
امتى هتخلص سنيني
-
انا مش عارف اْعيش
مع ناس ماتفهمنيش
واللي غاليين عليا
انا عندم ماساويش
حتى اللي بيحبوني
نصيبي بيودعوني
وكتير بيضحوا بيا
كتير منهم باعوني
-
انا رايح ومش راجع
كفايا عذاب ومواجع
ياخاينة عشرتي حبي
لا بيكفي ولا نافع
كسرتي عيني وقلبي
بنارك انتهى والع
لكن والله هتتحاسبي
مهما كان الحق ضايع
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.