من وحى الصوره
*********
من وحى الصوره راح نكتب ونقول ف كلام
نكتب ونغنى ونلحن احلى الانغام
ونشاور ديما على نيلك ونقول ياسلام
نمشى بمركبنا ونجيلك شط الاحلام
مهما اوصف واقول يا بلادى
واحارب كل اللى يعادى
وارسم لعيونك مشوار
يوصل وبخيرك هينادى
المحنه بقولك هتعدى
انا شوقى ليكى ما بيهدى
وكلامى جوه القلب سهام
اوعاكى تقولى على قدى
عمرك راح يكمل بولادك
مهما يتجبر جلادك
او يرسم للمظاليم قضبان
تحجب عن عينك اولادك
والله لو طالت الغيبه
او رحت مشيت غربه غريبه
دى ف قلبى محفور عنوانك
اوعاكى تقولى انى بعيده
يا بلادى يا ساكنه ف عيونى
وحياتى امانه تسامحيني
راح اجيكى يامه بكل الخير
وابنى اسوارك وحصونى
حتى لو يزعل حسادك
هتعيشى وهيموت جلادك
وتاريخك تانى هيتسطر
وتعودى تانى لامجادك
**********
عمرو تمساح ابوسفيان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.