( بيحبني ؟. لأ )
؛؛؛؛؛؛؛؛؛؛؛؛؛؛؛؛؛؛؛
بيحبني ؟. لأ مابحبنيش
ياورده قولي ماتحيريش
لسه باقي يجي ألف ندهه
وجنوني طار فبلاش مناهده
لقلبه يرسي ولا قلبي يرسي
ولا في بعاده عارفه أعيش
بيحبني ؟ . لأ مابحبنيش
؛؛؛؛؛؛؛؛؛؛؛؛؛؛؛؛
أجيب منين للشوق دا صبر
لو أرسى مرة معاه في بر
وأعرف بأني بقا ليه ضهر
ولا آي زهر مايذلنيش
ياوردة قولي ماتحيريش
بيحبني ؟. لأ مابحبنيش
؛؛؛؛؛؛؛؛؛؛؛؛؛؛؛؛؛؛؛؛
لو تعرفي توصي العبير
يرسم ملامحي مع آي طير
ويروح يحنن قلبه الكبير
يمكن يتوب لي .
يشتاق لحضني .
ويعرف إني .
بعد النهارده غيرتي عليه
واحده واحده كدا بشويش
ياوردة قولي ماتحيريش
بيحبني ؟.لأ مابحبنيش
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر / علي فراج /
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.