ذنبه ايه
*********
واقف ف وسط الطريق
مستنى لقمة عيش
يطلع سعات م الصبح
وسعات غداه قراقيش
عمرى ما لمت عليكى
وبابوس سعات رجليكى
مستنى لحظة رضا
وانا ليا مين بعديكى
طالب معاكى الرزق
واهى ماشيه ادوب بالزق
حنى وخافى علاى
مليت خلاص م الدق
راسى اتهرت وبحق
تهت وتاه الخلق
شاف الولد غربتوا
قلبك ما عمره رق
واحد يقولى تعال
والكلمه للاندال
يرمنى جوه الحديد
والقيد ف ايدى مزال
ويلفقولى الكلام
وانا ليكى برمى سلام
ويقولوا انى عتيد
ودى صورته ف الاعلام
ذنبه ايه يخدوه تحرى
بتبعينى ليه يابلدى
رغم انى مشتريكى
بعتى حبى وخنتى قلبى
نفسى اعيش وياك حر
نفسى الاقى معاكى بر
امتى بس تاخدى ايدى
وانسى فيكى كل شر
*********
عمرو تمساح ابوسفيان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.