قصيدة بعنوان
( اقوله ايه)
اقوله ايه
لو عنيا يوم
جات في عنيه
يا ويلي م إللي
هيجرا
ويا ويله هو
من ايامه ولياليه
عنيا شافت كلام كتير
في عنيه
وعنيه بسرعة ردت عليه
اقوله بحبك
واللا استنا واعرف شعوره
هوه ايه
طب واستنا ليه
ما هو قلهالي هو بعنيه
هنبتدي من النهارده
يا قلبي
سهر الليالي
وغيره وحيره
ما كانتشي علي بالي
وحنين وشوق إليه
وازعل لو اتاخر
واغضب لو علي
غيري دور
والغيرة تلعب بافكاري
واتحير
بس كان ده كله ليه
واسال اسئلة
ما لهاش اي جواب
ده غير اللوم والعتاب
يا قلبي احنا لسة
ع الباب
نكمل ولا خلينا احباب
انت عارف الحب
متعة وعذاب
وان كان ده قدرك
استسلم لعنيه
وافتح له الباب
الحب يا قلبي
ما لوش اسباب
احمد شكرى1
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.