هطيب بايدى الجروح
---------------------
امشى خلاص وروح
هطيب بأيدي الجروح
وهنسى انك فى يوم
كنت ساكن القلب والروح
وياقلبى خلاص كفاية
حبيبنا مش معانا
فاتنا فى نص الطريق
ونسى حبنا وهوانا
عيونه عشقت غيرنا
وعايش مرتاح مع غيرنا
ادعي له يصلح حاله
وعلى الحزن الله يعينا
وسؤال يا حبيبى جاوبنا
ايه كان بس عيبنا
عيبنا الوحيد أن احنا
حبينا بكل ضميرنا
مكناش نعرف نغش
ولا كنا بآلف وش
كنا بيك دايما نحس
وانته بينا مكنتش تحس
دانا بيك كنت عايش
وغيرك مكنتش شايف
ازاى قدرت تبعد
وتسبنى بجرحى عايش
وعيش مع اللى معاك
خليه يدوب فى هواك
وابعد عنه وانساه
ودوقه مر هواك
ما انته ملكش امان
وليك فى كل مكان
انسان غرقان احزان
ويلا يا قلبى بينا
نكتب نهايتنا بآيدينا
ونقفل الستار
على كل قلب خان
-------------------------------
صلاح منتصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.