كتب الشاعر المبدع/احمد صبرى
بتعدي الحياه
-.............
زي مانتي كنتي معاه
انا كنت معاها
زي ما فلبك هواه
انا كنت بهواها
ليا حكاية ف عنيها
فيها عشق واْغاني
كانت روحي فيها
وبتبقى وحشاني
واتاري ف النهاية
إحساس اكيد حساه
زي ما كانت معايا
دلوقتي هي معاه
-
وجعك يشبه لوجعي
باعونا الله يجازيهم
طفوا شمعك وشمعي
خانوا عشرتنا ليهم
نصيحة حاقولها ليكي
علشان تعيشي وتنسي
اللي يخون عنيكي
يهون ولا بيه تحسي
حدوتة كلنا عيشناها
واللي احنا نتمناه
كدبة وصدقناها
واهي بنعدي الحياه
-
بتعدي الحياه
وبيفضل المكتوب
لا نصيبنا اختارناه
ولا م الغلط بنتوب
ال انهارده معانا
بكره يبقى علينا
وال انكسر جوانا
الم وعلم فينا
مش اي حد بينسى
غدر البشر وقساه
ازاي ع البر نرسى
من غير طوق النجاه